بن عاقول
02-21-2008, 04:22 PM
http://img401.imageshack.us/img401/2310/055cl3.jpg
طبعا من غرائب القصص التي حدثت في حائل
( الذيبه ) الجسور اللي كانت بجبال حايل واذا جاعت
حدرت من الجبل واغارت بالليل على الناس حتى تجد طفلا او ضعيفا وتقتله وتاخذه للجبل لجراه حتى
اشاعت الرعب والخوف عندما ذبحت طفل (فهاد ) وكلته فقامت والدة الطفل تبكي وتقسم بالله ماتذوق
الطعام لين تذبح هالذيبه وكان اسمها ( سريعه )
كان في حائل ثلاث اشخاص اشتهروا بالقنص والرمايه داخل ظلعان حايل فنختهم
نخوا بابيات مليئه بالالم
وكان واحد اسمه سليطي والثاني اسمه دغيري والثالث اسمه
فهد فقامت تنخاهم على ذبح (الشيبه)والشيبه هي اللي ابوها ذيب وامها كلبه يعني ترهيم الله يقطع
جنسه كان مافيه اخبث منها فقال الام المسكينه:
يابن السليطي جرح قلبي محيطي=على جنيني شلته شينة الناب
وين الدغيري صار نفعك لغيري=يا حاسبن صيد الغراميل بحساب
وين فهد والبكاء ما يفيدي=يا خو ثريا يا حجا كل من هاب
فانتخوا الثلاثه كلهم وجاوبها فهد بالحال يعطيها الوعد والعهد
وهو الذي تمكن من قتلها وشق بطنها فوجد كف الطفل واحضرها للمرأه لتكون
دليلا على انها هي التي اكلت ابنها وليست اخرى فقال:
(يا سريّعة) لا تزعجين الونيني=(الشيب) قبلك فاجعن غرة أجواد
لومك عليه كان شفته بعيني=لأخذ قضى يا شمعة البيض فهاد
بخماسين عقبه لكتفي متيني=عوق العنود اليا تنحت بالابعاد
وهو الذي اراد احد الاشخاص قتله فأعطاه ذلول شرود تترك راكبه بالخلا وعارفينها بالشيئ هذا وفعلا
عندما توسطت من النفود شردت وتركته فقام ليرميها بالبارود يبي القربه اللي عليها لكنه خاف انها تطيح
على القربه وتشلقه ويروح الماء فقام برمي حبل القربه من بعيد وطاحت القربه سليمه والرصاصه جرحت
الذلول وطلع الدم منها فقال:
عزي لمن مثلي ذلوله تخليه=اقفت كما الربداء وانا اركض بأثرها
في سهلتن ماعندنا من نراعيه=ولا مزنتن نرجي الروا من مطرها
قعدت له باللي حديده مصفيه=لما لمحت بطانها مع نظرها
راحت تجر الخرج والدم غاطيه=وعز الله انه من يميني عثرها
طبعا من غرائب القصص التي حدثت في حائل
( الذيبه ) الجسور اللي كانت بجبال حايل واذا جاعت
حدرت من الجبل واغارت بالليل على الناس حتى تجد طفلا او ضعيفا وتقتله وتاخذه للجبل لجراه حتى
اشاعت الرعب والخوف عندما ذبحت طفل (فهاد ) وكلته فقامت والدة الطفل تبكي وتقسم بالله ماتذوق
الطعام لين تذبح هالذيبه وكان اسمها ( سريعه )
كان في حائل ثلاث اشخاص اشتهروا بالقنص والرمايه داخل ظلعان حايل فنختهم
نخوا بابيات مليئه بالالم
وكان واحد اسمه سليطي والثاني اسمه دغيري والثالث اسمه
فهد فقامت تنخاهم على ذبح (الشيبه)والشيبه هي اللي ابوها ذيب وامها كلبه يعني ترهيم الله يقطع
جنسه كان مافيه اخبث منها فقال الام المسكينه:
يابن السليطي جرح قلبي محيطي=على جنيني شلته شينة الناب
وين الدغيري صار نفعك لغيري=يا حاسبن صيد الغراميل بحساب
وين فهد والبكاء ما يفيدي=يا خو ثريا يا حجا كل من هاب
فانتخوا الثلاثه كلهم وجاوبها فهد بالحال يعطيها الوعد والعهد
وهو الذي تمكن من قتلها وشق بطنها فوجد كف الطفل واحضرها للمرأه لتكون
دليلا على انها هي التي اكلت ابنها وليست اخرى فقال:
(يا سريّعة) لا تزعجين الونيني=(الشيب) قبلك فاجعن غرة أجواد
لومك عليه كان شفته بعيني=لأخذ قضى يا شمعة البيض فهاد
بخماسين عقبه لكتفي متيني=عوق العنود اليا تنحت بالابعاد
وهو الذي اراد احد الاشخاص قتله فأعطاه ذلول شرود تترك راكبه بالخلا وعارفينها بالشيئ هذا وفعلا
عندما توسطت من النفود شردت وتركته فقام ليرميها بالبارود يبي القربه اللي عليها لكنه خاف انها تطيح
على القربه وتشلقه ويروح الماء فقام برمي حبل القربه من بعيد وطاحت القربه سليمه والرصاصه جرحت
الذلول وطلع الدم منها فقال:
عزي لمن مثلي ذلوله تخليه=اقفت كما الربداء وانا اركض بأثرها
في سهلتن ماعندنا من نراعيه=ولا مزنتن نرجي الروا من مطرها
قعدت له باللي حديده مصفيه=لما لمحت بطانها مع نظرها
راحت تجر الخرج والدم غاطيه=وعز الله انه من يميني عثرها