بن عاقول
01-24-2008, 04:15 AM
قصيدة مرسلة للشاعر ناصر الرقاص
أتمنى أن ترتقي للمأمول , قصيدة تعبر عن نفسها
قم يا نديبي وأركب الجمس بالحال=جمس ٍ حروفه في محيّاه شامه
تصميم قشران النوايا والأعمال=صنع ٍ جمع ثنتين عزم وفخامه
حصان فارس ما يبي كود خيّال=المرتبة سرجه وجوّد خطامه
وأنحر به اللي للطواريق فتّال=زحل ٍ تعلّى المجد وأدرك سنامه
ملفاك قرم ٍ للثقيلات حمّال=معربٍ خاله شيوخ ٍ عمامه
مركاضهم من فعلهم يشبع أجوال=يوم ٍ كل ٍ باع عمره وسامه
حفاه وردوا فالضما عد ٍزلال=وبانوا نهارٍ تغتشيه العسامه
راحت سيوف الهند ورماح ٍطوال=من الدمي حمر ٍ خلطها دهامه
وقعت طلال وعقبها وقعت الظال=وعشرين ماقف راويات ٍ سهامه
منهم كريم الكف يفعل ليا قال=عز الخوي زبن الرجال المضامه
ذرب ٍ فتح بابه طبيعة ومنوال=تكريم ضيف وطيب فعل وشهامه
أقلط على تمر ٍ حساوي وفنجال=ثم طيب عود وخمس حول ٍ كرامه
عطه الجواب وخلّها طلقة عقال=وتعال هات إلي العلوم وسلامه
يا ناصر الرقاص جا منك مرسال=خط ٍ نشد عن وقتنا وش علامه
وقت ٍ تغيّر وأكثرت فيه الأهوال=وكل ٍ تصدر وأدعا بالفهامه
راحت موازينه عواكيس وأبدال=كثرت صواديفه وبدل نظامه
يحتار منه اللي يفكر ويهتال=الأمر وين و وين ضيّع زمامه
احد ٍ عشق وقت الرخا برد وظلال=ما جاب من ضرب اليماني طعامه
وأحد ٍ عشق ندا جبينه إليا سال=عزيز نفس وعزه الله وأدامه
رجل ٍ يلاوعه الدهر وأشهب اللال=من الشموس أطغت عليه السحامه
وأحد ٍ زبون الهرج للهرج نقال=عساه يبلا بالصمم والطرامه
وأحد ٍ موجهن يجذبه كل موّال=مع كل شخص ٍ يدعي بأنظمامه
وأحد ٍ على يمنى رفيقه ليا مال=رفيق عز ٍ ما يخلّي مهامه
وكل يميّز دام للفكر مدخال=الوقت ما غر الفطين أزدحامه
مهما حصل ما يستوي عز وإذل=اللو أتركت ظهر الذلول المسامه
والذيب ما أنجى صيدته بعد الأميال=ليل ٍ سراه الذيب يوحش ظلامه
وتغيير واقعنا ترى صعب ومحال=مهما فعلنا ما وصلنا تمامه
والشعر ديوان العرب خير منهال=بحر ٍ مهب من جاب بيتين عامه
وذكر الولي أخير من كل الأقوال=رب ٍ شرع شرعه وبيّن حرامه
منقول
أتمنى أن ترتقي للمأمول , قصيدة تعبر عن نفسها
قم يا نديبي وأركب الجمس بالحال=جمس ٍ حروفه في محيّاه شامه
تصميم قشران النوايا والأعمال=صنع ٍ جمع ثنتين عزم وفخامه
حصان فارس ما يبي كود خيّال=المرتبة سرجه وجوّد خطامه
وأنحر به اللي للطواريق فتّال=زحل ٍ تعلّى المجد وأدرك سنامه
ملفاك قرم ٍ للثقيلات حمّال=معربٍ خاله شيوخ ٍ عمامه
مركاضهم من فعلهم يشبع أجوال=يوم ٍ كل ٍ باع عمره وسامه
حفاه وردوا فالضما عد ٍزلال=وبانوا نهارٍ تغتشيه العسامه
راحت سيوف الهند ورماح ٍطوال=من الدمي حمر ٍ خلطها دهامه
وقعت طلال وعقبها وقعت الظال=وعشرين ماقف راويات ٍ سهامه
منهم كريم الكف يفعل ليا قال=عز الخوي زبن الرجال المضامه
ذرب ٍ فتح بابه طبيعة ومنوال=تكريم ضيف وطيب فعل وشهامه
أقلط على تمر ٍ حساوي وفنجال=ثم طيب عود وخمس حول ٍ كرامه
عطه الجواب وخلّها طلقة عقال=وتعال هات إلي العلوم وسلامه
يا ناصر الرقاص جا منك مرسال=خط ٍ نشد عن وقتنا وش علامه
وقت ٍ تغيّر وأكثرت فيه الأهوال=وكل ٍ تصدر وأدعا بالفهامه
راحت موازينه عواكيس وأبدال=كثرت صواديفه وبدل نظامه
يحتار منه اللي يفكر ويهتال=الأمر وين و وين ضيّع زمامه
احد ٍ عشق وقت الرخا برد وظلال=ما جاب من ضرب اليماني طعامه
وأحد ٍ عشق ندا جبينه إليا سال=عزيز نفس وعزه الله وأدامه
رجل ٍ يلاوعه الدهر وأشهب اللال=من الشموس أطغت عليه السحامه
وأحد ٍ زبون الهرج للهرج نقال=عساه يبلا بالصمم والطرامه
وأحد ٍ موجهن يجذبه كل موّال=مع كل شخص ٍ يدعي بأنظمامه
وأحد ٍ على يمنى رفيقه ليا مال=رفيق عز ٍ ما يخلّي مهامه
وكل يميّز دام للفكر مدخال=الوقت ما غر الفطين أزدحامه
مهما حصل ما يستوي عز وإذل=اللو أتركت ظهر الذلول المسامه
والذيب ما أنجى صيدته بعد الأميال=ليل ٍ سراه الذيب يوحش ظلامه
وتغيير واقعنا ترى صعب ومحال=مهما فعلنا ما وصلنا تمامه
والشعر ديوان العرب خير منهال=بحر ٍ مهب من جاب بيتين عامه
وذكر الولي أخير من كل الأقوال=رب ٍ شرع شرعه وبيّن حرامه
منقول