باكر يجي من يطرق الباب ويهين..أختك ولو مليت بابك قفوله

[بن عاقول]

لسماع القصيدة بالصوت

حفظ بإسم (http://www.ranci1.com/up/uploads/b76942b03a.wav)

للي طلع من دون ما أشرح منين=للي يقول انة زعيم الرجوله
للي ادعاء انة بطل بالميادين!=للي يقول انة متعب خيوله
للي يسولف ويش سوى من سنين!=للي يقول احلها ومحلوله
للي يشوف الناس عندة صغيرين!=للي يقول ان العرب يلتجوله
للي رفع راسة ولايناظرك "شين"=للي كذب من شان شي ينوله
وش صار قولوا في قضية فلسطين؟=كم من زعيم ذبح ماحربوله
وش سوت الاسهم بكم يالقويين؟=وين الشجاعة يوم اعلن نزوله
من قوكم قسمكم (القرش) قسمين=قسم توفى وقسم يلحق ذلوله
الميت اليا مات نذكرة بالزين=ماقولة اقوال ماهيب قوله
وين الرجولة !! نطلع لناس ثانين=اللي ملك منصب كبير بدوله
ولانفع ربعة ويدري مساكين!=هل يعتبر هاذا رجل من حمولةه
باكر يموت ولا يجيلة معزين=من شان غيرة يعتبر لا حكوله
لاعاش من همة فلوس ودكاكين=ولاعاش من ساقة هواة وميوله
الحين نحكي عن فئة هانوا الدين=اللي يشوف المرجلة في نعوله
اللي يعازل في بنات المسلمين!!=الوضع عادي مأخذة في سهوله
خوذي الرقم وانا اكلمك بعدين=واقابلك واخذ معك كم جوله
لامن نصحتة قال هي تفتن العين=شف مشيها متبرجة ومهبوله
ترضاها لختك يأخوي الشياطين؟؟=ياللي الشرف بيديك مثل العموله
((باكر يجي من يطرق الباب ويهين=أختك ولو مليت بابك قفوله))
يأوصخ بشر بالمجتمع ياخسيسين=ياللي تحسبون المراجل بذوله
وبة ناس تهجر ربعها فوق عامين=من شانهم مرو ولا (زمروله)
سلام ياللي بالمساجد مصلين=سلام من قلبي ولو مادعوله
سلام ياللي حبكم بالشرايين=سلام من طبق حديث لرسوله
قصيدتي لاتكثري بالعناويين=حماسنا واجة أوادم كسوله
عمري يبي ياصل ثلاثة وعشرين=وانا اتمنى الموت والا الطفوله
يا ((هم)) ياساكن فؤادي من سنين=كل الضلوع بداخلي استسلموله
الادمي مثل الحجر طاقتة لين=يجية ضغط وينتهي واحسبوله
شاعر ولي أحساس وأحساس من وين؟=أحساس يصعب تاصلة او تطوله
خلاص وقف ياقلم مشيك الحين=وش عاد باقي من كلام تقوله


منقول